我地約你飲茶吖！

小朋友，今日係最後一日返學，之後就暑假嘞！
吓！我唔想放暑假呀！
點解呀？
我想返學呀！
係呀？不過，我見唔到你地，都會好掛住你地！
我都會掛住你，CC老師。
唔……要九月先再見。
我約咗Heidi飲茶，不如約埋你！
吓，你地約咗去飲茶，咁好笑嘅？
係呀！其實，點解要放暑假嘅？
因為老師都要放假嘛！
吓？

好大舊的鼻涕

老師，你啲鼻涕好大舊呀！
係呀，我病咗！
你病呀？點解咁大舊嘅？
係呀！不過就好番！

失聰人士活動中心

老師：你地好嘈呀，我就嚟要去失聰人士活動中心咖嘞！
小朋友：即係咩？
老師：即係比啲聽唔到嘢嘅人去嘅地方！
小朋友：咁你去做咩？
老師：去玩囉！
小朋友：點解嘅？
老師：你地成日等我一踎低，就喺我耳邊大聲講嘢，我咪聽唔到嘢囉！
小朋友：你聾咗呀？
老師：梗係喇！就嚟聾嘞！
小朋友：咁你去玩喇！
老師：我去咗，冇人照顧你地嘞！
小朋友：我地變成孤兒呀？
老師：咁又唔會，你地仲有爸爸媽媽嘛！
一星期後……
老師：我又要去失聰人士活動中心嘞！
小朋友：吓？又去？
老師：你地好嘈呀！
小朋友：你上星期先去過咋喎，咩成日去嘅？
老師：因為你地成日大聲講嘢囉！
昨天……
外籍老師Miss J：You’re so noisy!
小朋友：你地唔好嘈喇！Miss J要去失聰人士活動中心嘞！