重聚

你們回來了，在升上小學之後的兩個月。

我們聚在一起，在學校門外的空地踢球，追追逐逐，就像過往的兩年一樣。只是，你們都長高了。

你們牽着我的手，不停的呱啦呱啦，就像過往的兩年一樣。只是，你們說的不再是我們的共同經歷。

你們說當幼稚園生真好，沒有太多的功課。我心中也說，當幼稚園老師真好，可以伴你們渡過最快樂的日子。

有了第一次重聚，我期待着以後的每一次相聚。我問你們的媽媽何時再聚呢？媽媽們說，在facebook上約吧！我相信你們會一直是朋友，只要facebook不死！

童言

五歲BB妹：老師，斌斌又中心嘞！

老師：咩中心呀？

五歲BB妹：佢囉，又好中心呀！

老師：你話佢自我中心，係唔係呀？

五歲BB妹：係呀！

*************

五歲BB妹：你幾多歲呀？

五歲同伴：你尋日咪問咗囉！又問？

五歲BB妹：你幾多歲呀？

五歲同伴：五歲！

五歲BB妹：你讀幾年班？咩學校呀？

五歲同伴：唉！

*************

五歲BB妹：老師，我呀仔呢？

老師：邊個係你呀仔呀？

五歲BB妹：小章囉！佢好可愛，係唔係呀？

老師：係呀！咁斌斌可唔可愛呀？

五歲BB妹：唔可愛，佢都唔矮！

****************

老師：成日唔食早餐有咩問題呀？

五歲BB仔：會肥！

老師：吓，真係？

五歲BB仔：會瘦！

老師：仲有呢？

五歲BB仔：會短！

老師：你係咪想講會矮呀？

五歲BB仔：係呀！

****************

小朋友：老師，維修桶呢？

老師：咩維修桶呀？

小朋友：老師，呢張紙係咪放喺維修桶呀？

老師：哦！係呀！放落回收桶喇！