Category Archives: 大小頑光
初見
五歲女生:不如你嚟我屋企玩吖!
五歲半男生:……
大人:人地邀請你去佢屋企玩,你理下人喎!
五歲半男生:咩呀?
五歲女生:不如你嚟我屋企玩吖!
大人:咁你去唔去呀?要答人呀!
五歲半男生:點會唔去?
五歲女生:我帶你去會所玩。
五歲半男生:……
大人:哇!佢話帶你去會所呀!
五歲女生:你想去三期、四期個會所呀?
五歲半男生:又唔係我屋企,我點知!
大人:咁不如你介紹下兩個會所喇!
五歲女生:一個有地氈,一個冇,兩個都有啲積木
五歲半男生:……
回家路上……
大人:你鍾唔鍾意呀XX?
五歲女生:鍾意!
大人:點解嘅?
五歲女生:無得解!
後記:都說幼兒之變化多端實難預測,有興趣的朋友可參看初見前傳。
暑假無聊聊
哥哥,咁熱,不如我地整啫喱喇!
好吖!
不過,你想整啫喱定啫喱糖?
什菓啫喱
哦,咁你屋企有冇雜菓呀?
有,不過得一個橙同兩個蘋果咋!
唔係果啲呀,係一罐果啲呀!
謙謙的世界 — 導演版
哥哥要做暑期作業,謙謙你幫我影十張相,等我罷上網比啲姨姨叔叔睇喇!
五分鐘後……
契媽,契媽,你睇!
係喎,但係哥哥仲未做完喎!你再去影喇!
又五分鐘後……
契媽,契媽,你睇!
係喎,但係哥哥仲未做完喎!你再去影喇!
再五分鐘後……
契媽,契媽,你睇!
係喎,但係哥哥仲未做完喎!你再去影喇!
又再五分鐘後……
契媽,契媽,你睇!
係喎,但係哥哥仲未做完喎!你再去影喇!
結果……
哇!謙謙,你影得太多嘞,啲網友會好悶嫁!你揀啲唔要喇!我要十張喇!
好喇,呢張,呢張,同呢呢呢呢呢呢呢呢呢喇!
吓,剩番十二張喎!
唔得嘞,呢啲全部都要嫁!
好!好!好!(導演好有性格呀吓,一張不能再少。)