五歲BB妹:老師,斌斌又中心嘞!
老師:咩中心呀?
五歲BB妹:佢囉,又好中心呀!
老師:你話佢自我中心,係唔係呀?
五歲BB妹:係呀!
*************
五歲BB妹:你幾多歲呀?
五歲同伴:你尋日咪問咗囉!又問?
五歲BB妹:你幾多歲呀?
五歲同伴:五歲!
五歲BB妹:你讀幾年班?咩學校呀?
五歲同伴:唉!
*************
五歲BB妹:老師,我呀仔呢?
老師:邊個係你呀仔呀?
五歲BB妹:小章囉!佢好可愛,係唔係呀?
老師:係呀!咁斌斌可唔可愛呀?
五歲BB妹:唔可愛,佢都唔矮!
****************
老師:成日唔食早餐有咩問題呀?
五歲BB仔:會肥!
老師:吓,真係?
五歲BB仔:會瘦!
老師:仲有呢?
五歲BB仔:會短!
老師:你係咪想講會矮呀?
五歲BB仔:係呀!
****************
小朋友:老師,維修桶呢?
老師:咩維修桶呀?
小朋友:老師,呢張紙係咪放喺維修桶呀?
老師:哦!係呀!放落回收桶喇!